کد خبر:17845
پ
optometryeye_file

چم پچیں کور

هاتف سیستان و بلوچستان، یک شمبے ءِ سہب ءَ بابو دل مراد ءِ زہگ پھلان گوں وتی سنگت حمل ءُ میران ءَ پہ کوچگ ءِ ترءُتاب ءَ شت ہمے وہداں شہر ءِ تہا لہیتں دُز مان کپتگ اَت کہ آیاں مہلوک ءِ پرپٹاں ءَ پچ گپت ءُ پلوس پہ آیانی دزگیری ءَ ترءُتاب ءَ اَت […]

هاتف سیستان و بلوچستان، یک شمبے ءِ سہب ءَ بابو دل مراد ءِ زہگ پھلان گوں وتی سنگت حمل ءُ میران ءَ پہ کوچگ ءِ ترءُتاب ءَ شت ہمے وہداں شہر ءِ تہا لہیتں دُز مان کپتگ اَت کہ آیاں مہلوک ءِ پرپٹاں ءَ پچ گپت ءُ پلوس پہ آیانی دزگیری ءَ ترءُتاب ءَ اَت

 

پھلان ءُ آئی دوئیں سنگت یک گَزے ءِ ساہگءَ نندوک اتنت کہ اناگہ دو پلوس آت ءُگوں سر بوہگ ءَ یکے ءَ وتی توپک پھلان ءَ داشتءُ گشتے وتی دستاں برز کن اِت ءُ دومی ءَ وتی کار مستر بزاں ایس ایچ او لالُوءَ را وتی واکی ٹاکی سیٹ ءَ گشت واجہ بیا میر بجار ءِ بور ءِ سرءَ ما دزان ءَ دزگیر کرتگاں

گوں ہمے گپ ءِ اشکنگ ءَ پھلان ءِ رنگ چو الکدار ءَ زرد بوت ءُ گشتے واجہ ما دز نیاں

 

پلوس: ہئو شما کہ نہ اِت گڑا ما دزاں؟ترا ہر گپے است تھانہ ءَ بہ جنئے..

 

ساعتے ءَ رند ایس ایچ او لالُو گو گاڈی ءَ آت ءُ پھلان ءُ آئی دوئیں سنگتاں ءَ تھانہ ءَ برت ءُ پھلان ءَ جست ے کرت.. چوری اے پرپٹ کئی انت؟

 

پھلان: واجہ اے…….منی انت

 

لالُو: تو چے کار کنے؟

 

پھلان: واجہ من…….. وانگ ءَ اوں

 

لالُو: ہئو وانوک تئی وڈیں لوپرءُدُز بنت

 

پھلان: واجہ سوگند انت الله ءِ کہ ما …… دزی نہ کرتہ

 

لالُو: بس زیات گپ مہ کن درائیں مہلوک ءَ را شما تہ پوزءَ کرتہ کسے شہ وتی گس ءَ درآت نہ کنت شہ شمے کرداراں تو گشئے ما دزی نہ کرتہ

لالُو پھلان ءُ آئی سنگتانی جان ءَ لٹ ے پروشت.

 

وھدئے کہ بابو دل مراد ءَ ھال رست کہ آئی زھگ پھلان پلوس ءَ دزگیر کرتہ ءُ تھانہ ءَ بند انت گڑا آ پہ بے چاڑی آت تھانہ ءَ ایس ایچ او لالُو ءَ جستے کرت تو منی زھگ کئی قتلءُ کجام دُزی ءِ ڈوھ ءَ دزگیر کرتہ؟

 

لالُو: تئی زھگ یک دُزے آئی مہلوک ءَ را دست دپءَ داتگ چار لوپریں چوری یےگون انت مہلوکءِ پرپٹاں ءُ زراں پچگر اَنت تو وتی زھگ ءے پلہ مرزی ءَ کنے کہ منی زھگ ءَ چے کرتہ.

 

دل مراد: واجہ لال جان منی ھیال ءَ سرکارءَ را دگہ مردم پہ نوکری ءَ نہ رستگ کہ آئی تئی وڈیں چم پچین کورے آورتگ ءُ ایس ایچ او کرتہ من ہچ وڈا وتی زھگ ءِ پلہ مرزیءَ نہ کنین منی زھگ دُزے یا کہ نہ انت بلے اودا کہ دُز دُزی کننئتءُ مہلوکءِ گِساں دؤر کننتءُ آیانی زراں بر انتءُ مئے ماس ءُ گہارانی سُہرءُ سہتاں شہ گوشاں سندنت ءُ بر انت تو اودا کورئے ہچ نہ گندے پرچہ کہ اودا ترا تئی بہر رسیت ہرجاھ کہ گریب ءُ بزگیں مردمے گندئے ءُ آئرا دز لیکھے

 

دل مراد ءِ اے گپ لالُو ءَ چو تیرءَ لگ اِت لالُو شہ وتی کرسیءَ پادآت ءُ چمان ءَ گو دل مراد سہر کرت ءُ گشتے دل مراد تو تنیگہ کانودءَ سرپد نئے کہ اے وڑیں گپ جنئے آگاں ترا وتی زھگ بے گناھ ثابت کنگی انت گڑا آمیدگس ءَ بیا جج ءِ دیمءَ بیان بدئے اد منی سرءَ دردے گون مدئے.

 

دل مراد پہ بچکندے ھئو واجہ شمے مچین چم پچین کورانی جاگہ آمیدگس انت لال جان شہ تئی جج ءِ اَدے ہما ایر بوتگیں سنگ ءِ بُت کہ چمے پہ سیاہیں ریگاڈے ءَ بندوک انت ہمے زانگ بیت کہ تئی ءُ تئی کانود ءِ چم ہم ہما پیما بستگاں کدی حق ءَ نہ گند اِت.

ارسال دیدگاه

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

کلید مقابل را فعال کنید

This site uses Akismet to reduce spam. Learn how your comment data is processed.